Óskemen qalasynda tramvaidan órt shyqty, dep habarlaidy "Ult aqparat".
Qalalyq Tótenshe jaǵdailar basqarmasy baspasóz qyzmetiniń málimetine súiensek, búgin Qazaqstan kóshesinde kele jatqan qoǵamdyq kólikti qyzyl jalyn sharpyǵan. Oqiǵa ornyna dereý jetken órt sóndirýshiler tilsiz jaýdy saǵat 11.34-te tolyqtai aýyzdyqtady.
«Órt vagon astyndaǵy arbashanyń rezeńke bóliginen shyqqan. Qazirgi ýaqytta jalynnyń jalpy aýmaǵy anyqtalýda», - dep habarlady vedomstvo ókilderi.
Esterińizge sala ketsek, 25 aqpan kúni Óskemende Qazaqstan kóshesinde kele jatqan qoǵamdyq kóliktiń motory ylǵaldanyp, sonyń saldarynan órt shyqqan bolatyn.
