Óskemen qalasynda kópqabatty turǵyn úidiń tórtinshi qabatynan qulaǵan 5 jasar bala kóz jumdy, dep habarlaidy ult.kz.
Qazirgi ýaqytta balanyń naqty qandai jaǵdaida qulaǵany anyqtalyp jatyr. Atalǵan fakti boiynsha politsiia sotqa deiingi tergep-tekserý jumystaryn bastady.
– 5 jasar balanyń ólimine qatysty sotqa deiingi tergeý júrgizilýde. Oqiǵanyń barlyq mán-jaiyn anyqtaýǵa baǵyttalǵan qajetti sharalar qolǵa alyndy, – dep habarlady Shyǵys Qazaqstan oblystyq politsiia departamentiniń baspasóz qyzmeti.
Mamandardyń málimetinshe, jyl basynan beri oblysta bes bala terezeden qulap ketken.
Osyǵan bailanysty tótenshe jaǵdailar qyzmeti ata-analarǵa qaýipsizdik talaptaryn qatań saqtaýdy eskertti. Qutqarýshylar terezelerge arnaiy qorǵanys qurylǵylaryn ornatýǵa, balalardy qaraýsyz qaldyrmaýǵa jáne tereze mańynda jalǵyz oinaýyna jol bermeýge shaqyrady.
Mamandar moskit torlary balalardy qulaýdan qorǵai almaitynyn da atap ótti.
