Óskemen qalasynda psihotroptyq zattardy saýdalaǵan Qaraǵandy oblysynyń eki turǵyny ustaldy, dep habarlaidy "Ult aqparat".
ShQO PD Esirtki qylmysyna qarsy kúres basqarmasy men Ulttyq ulannyń «Shyǵys» óńirlik qolbasshylyǵy birlesip 26 jáne 23 jastaǵy Qaraǵandy oblysynyń eki turǵynyn quryqtady. Olar Óskemennen páter jaldap, psihotroptyq zattardy áleýmettik jeli arqyly saýdalaǵan.
«Páterdi tintý kezinde psihotroptyq zattyń 1000-nan astam bir rettik dozasy tabyldy. Kúdiktiler ýaqytsha ustaý izoliatoryna qamaýǵa alynǵan. Tárkilengen psihotroptyq zattardyń «qara naryqtaǵy» baǵasy 12 mln teńgeni quraidy», - dep habarlady ShQO Politsiia departamentiniń baspasóz qyzmeti.
Qazirgi ýaqytta QR Qylmystyq Kodeksiniń 297-baby 3-bóligi boiynsha sotqa deiingi tergeý júrgizilýde. Kúdiktiler 15 jylǵa deiin bas bostandyǵynan aiyrylýy múmkin.
