Óskemen qalasynda órtengen kópqabatty úiden 40 adam evakýatsiialandy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 23 jeltoqsan kúni saǵat 14.28-de Qazaqstan kóshesindegi 12 qabatty turǵyn úide órt shyqqany týraly habar túsken. Oqiǵa ornyna kelip jetken órt sóndirýshiler elektr kabelin jáne 2-8 qabattar aralyǵyndaǵy elektr eseptegishterdi jalyn sharpyǵanyn kórdi.
«Qutqarýshylar kelgenshe elektr qýatyn ózdiginen óshirmek bolǵan 1988 jylǵy er adamnyń qolyn kúiik shaldy. Ol birden aýrýhanaǵa jetkizildi. Sondai-aq 6 turǵyn, onyń ishinde 4 bala qutqarylǵan», - dep habarlady vedomstvo ókilderi.
Budan bólek, tútin tumshalaǵan podezden 40 adam evakýatsiialandy. Tilsiz jaýdy aýyzdyqtaýǵa jeke quramnan 35 adam men 9 tehnika jumyldyrylǵan. Qazirgi ýaqytta órttiń shyǵý sebebi anyqtalyp jatyr.
