Óskemen qalasynda oqýshy qyz shuńqyrǵa qulap ketti, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, 30 qazan kúni saǵat 16.10-da Geologicheskaia kóshesiniń mańynda jasóspirim shuńqyrǵa qulap ketken. Oqiǵa ornyna qutqarýshylar shuǵyl kelip jetti.
«Mamandandyrylǵan jasaq qyzmetkerleri 15 jastaǵy qyzdy shuńqyrdan arqanmen alyp shyqty. Sodan keiin oqýshy jedel járdem dárigerlerine tapsyryldy», - dep habarlady vedomstvo ókilderi.
Departament mamandary óńir jurtshylyǵyna qaýipsizdik erejelerin saqtaý qajettigin eskertedi. Ata-analar qandai jaǵdai bolmasyn balalardy qaraýsyz qaldyrmaýy kerek.
