Óskemende Karl Libkneht kóshesi, 17 mekenjaiynda ornalasqan oblystyq reprodýktivti meditsina ortalyǵynan órt shyqty. Kýágerlerdiń aitýynsha, adamdar tórtinshi qabattan sekirip túspek bolǵan. Órt sóndirýshiler úsh adamdy qutqardy, dep habarlaidy "Ult aqparat".
Shyǵys Qazaqstan oblysy tótenshe jaǵdailar departamenti habarlaǵandai, tórtinshi qabattaǵy shatyr tutanǵan. Oqiǵa kýágeri órt shyqqan ǵimarattyń ashyq terezesinde turǵan áielder beinelengen videony jelige saldy.
Órt sóndirýshiler shuǵyl túrde órt shyqqan qabattaǵy adamdardy evakýatsiialaýǵa kirisip, úsh adamdy qutqardy.
Saǵat 17:09-da órt aýyzdyqtalyp, 17:55-te tolyq sóndirildi. Aldyn ala málimet boiynsha órt aýmaǵy -200 sharshy metr. Órt sóndirý jumysyna jeke quramdaǵy 37 adam men 12 arnaiy kólik jumyldyryldy.
TJD nysan ielerine órt qaýipsizdigin qatań saqtaý týraly eskertedi:
- órt sóndirý quraldarynyń qajetti kólemde jáne qoldanýǵa jaramdy kúide bolýy;
- nysan qyzmetkerleri qaýipsizdik nuqsaýlarynan ótýi;
- nysandaǵy evakýatsiialaý joldary jáne avtomatty órt dabylynyń jai-kúiine nazar aýdarý.
- Órt kezinde 101 jáne 112 jedel jelilerine habarlasý kerek.
