«Qazaqfilm» kinostýdiiasy Óskemende Muqaǵali Maqatev týraly film túsirip jatyr. Bul aqparatty Óskemen qalasynyń ákimdigi rastady, dep habarlaidy "Ult aqparat".
Dálirek aitsaq, túsirilim jumystary kóktemde bastalǵan bolatyn. Odan keiin Sankt-Peterbor, Almaty shaharlarynda jalǵasty. Qazaq ádebietiniń klassigi týraly kórkem filmniń rejisseri — Bolat Qalymbetov. Onyń aitýynsha, jańa kinokartinada aqyn ómiriniń sońǵy jyldary aishyqtalmaq. Al Óskemenniń Stahanov, Metallýrg syndy kóshelerindegi eski úiler sol kezderge sai keletin kórinedi. Mamandar kúzgi kórinisterdi túsirip alý úshin shyǵys shaharyna qaita at basyn buryp otyr.
Osyǵan bailanysty qaladaǵy tramvailar ýaqytsha toqtatylǵanyn aita keteiik. Turǵyndar úshin azdaǵan keleńsizdik týyndaǵanymen, kólik kompaniiasy jolaýshylarǵa jaǵdaidy túsindire aldy. Rels 30 minýttan kúnine úsh ret jabylǵan eken.
– Qalamyzda Muqaǵali Maqataev týraly filmniń biraz bóligi túsirildi. Túsirildi deitinimiz, búginmen aiaqtalyp otyr. Esterińizde bolsa, kóktemde de túsirilim jumystary júrgizilgen edi... Osyǵan bailanysty jol 30 minýttan úsh márte jabyldy. Endi boldy. Keleńsizdik qaitalanbaidy, – dedi «Óskemen kólik kompaniiasy» JShS-nyń basshysy Mihail Chaika.
