«قازاقفيلم» كينوستۋديياسى ٶسكەمەندە مۇقاعالي ماقاتەۆ تۋرالى فيلم تٷسٸرٸپ جاتىر. بۇل اقپاراتتى ٶسكەمەن قالاسىنىڭ ەكٸمدٸگٸ راستادى, دەپ حابارلايدى "ۇلت اقپارات".
دەلٸرەك ايتساق, تٷسٸرٸلٸم جۇمىستارى كٶكتەمدە باستالعان بولاتىن. ودان كەيٸن سانكت-پەتەربور, الماتى شاھارلارىندا جالعاستى. قازاق ەدەبيەتٸنٸڭ كلاسسيگٸ تۋرالى كٶركەم فيلمنٸڭ رەجيسسەرٸ — بولات قالىمبەتوۆ. ونىڭ ايتۋىنشا, جاڭا كينوكارتينادا اقىن ٶمٸرٸنٸڭ سوڭعى جىلدارى ايشىقتالماق. ال ٶسكەمەننٸڭ ستاحانوۆ, مەتاللۋرگ سىندى كٶشەلەرٸندەگٸ ەسكٸ ٷيلەر سول كەزدەرگە ساي كەلەتٸن كٶرٸنەدٸ. ماماندار كٷزگٸ كٶرٸنٸستەردٸ تٷسٸرٸپ الۋ ٷشٸن شىعىس شاھارىنا قايتا ات باسىن بۇرىپ وتىر.
وسىعان بايلانىستى قالاداعى ترامۆايلار ۋاقىتشا توقتاتىلعانىن ايتا كەتەيٸك. تۇرعىندار ٷشٸن ازداعان كەلەڭسٸزدٸك تۋىنداعانىمەن, كٶلٸك كومپانيياسى جولاۋشىلارعا جاعدايدى تٷسٸندٸرە الدى. رەلس 30 مينۋتتان كٷنٸنە ٷش رەت جابىلعان ەكەن.
– قالامىزدا مۇقاعالي ماقاتاەۆ تۋرالى فيلمنٸڭ بٸراز بٶلٸگٸ تٷسٸرٸلدٸ. تٷسٸرٸلدٸ دەيتٸنٸمٸز, بٷگٸنمەن اياقتالىپ وتىر. ەستەرٸڭٸزدە بولسا, كٶكتەمدە دە تٷسٸرٸلٸم جۇمىستارى جٷرگٸزٸلگەن ەدٸ... وسىعان بايلانىستى جول 30 مينۋتتان ٷش مەرتە جابىلدى. ەندٸ بولدى. كەلەڭسٸزدٸك قايتالانبايدى, – دەدٸ «ٶسكەمەن كٶلٸك كومپانيياسى» جشس-نىڭ باسشىسى ميحايل چايكا.
