Óskemendegi mektepterdiń birinde muǵalimderge belgilengen jalaqydan 50 paiyzǵa tómen jalaqy tólendi. Keibirine tipti 5 teńge ǵana aýdarylǵan, - dep habarlaidy Tengrinews.kz agenttigi "Habar 24" saityna silteme jasap.
Telearna málimetinshe, esepti oqý ornynyń esepshisi júrgizgen. Tekserý barysynda buryn 20 million teńgege deiin artyq tólem jasalǵandyqtan, qyzmetkerlerdiń laýazymdyq jalaqylarynan qomaqty soma ustalǵany belgili boldy.
Ustazdardyń aitýynsha, olar osy ýaqytqa deiin artyq aqsha alyp kelgenin bilmegen. Jumys berýshi de olarǵa jalaqy týraly málimet bermegen.
Degenmen, qalalyq bilim bóliminiń ekonomisteri muǵalimder jalaqysyna egjei-tegjeili qaita esepteýler júrgizip, janjaldy sottyń aralasýynsyz sheshýge ýáde berip otyr.
"5 teńge aýdarǵandaryna tańǵaldym. Basshylyqqa júgindim. Olar aýdarmaǵanyn, bir qatelik bolǵanyn aitty", - dedi bastaýysh synyp muǵalimi Olga Shmidt.
Eńbek departamenti mamandarynyń aitýynsha, bul biýdjet qarajaty, kez kelgen jaǵdaida óz erkimen jalaqysynan ustap qalýǵa ruqsat berýi kerek.
"Árine, barlyq somany ustamaidy. 50 paiyzǵa deiin ustaýǵa bolady, bolmasa sot arqyly sheshiledi", - dedi Óskemen qalalyq bilim bóliminiń basshysy Sáýle Alagýzova.
