Óskemende memlekettik balabaqshalar jeke kásipkerlerdiń basqarýyna beriledi, dep habarlaidy "Ult aqparat".
Shyǵys Qazaqstan oblysynyń ortalyǵynda ótetin investitsiialyq forýmda qarastyrylatyn negizgi baǵyttardyń biri «Memlekettik-jekeshelik áriptestik jobalary men senimdi basqarý». Qala biligi memlekettik balabaqshalardy jeke kásipkerlerge 10 jylǵa deiin basqarýǵa berýdi kózdep otyr. Bul ýaqyt aralyǵynda kásip iesi balabaqshada jóndeý jumystaryn ózi júrgizip, qajetti jihazdarmen jáne qural-jabdyqtarmen qamtamasyz etedi. Biraq balabaqsha aqysyn qymbattatyp jibere almaidy.
– Balabaqsha aqysy óspeidi. Sebebi atalmysh mekemeler memlekettiki bolyp qala beredi. Tek ýaqytsha basqarýǵa beriledi. Degenmen kásipker balabaqshada qosymsha aqyly qyzmetter usyna alady. Biz onyń balabaqsha isin damytýdaǵy josparlaryn shektemeimiz, – deidi Óskemen qalalyq ekonomika jáne biýdjettik josparlaý bóliminiń basshysy Arman Muqtarqanuly.
Buǵan deiin habarlaǵanymyzdai, Óskemende 30 qazan kúni investitsiialyq forým ótedi.
