ٶسكەمەندە مەملەكەتتٸك بالاباقشالار جەكە كەسٸپكەرلەردٸڭ باسقارۋىنا بەرٸلەدٸ, دەپ حابارلايدى "ۇلت اقپارات".
شىعىس قازاقستان وبلىسىنىڭ ورتالىعىندا ٶتەتٸن ينۆەستيتسييالىق فورۋمدا قاراستىرىلاتىن نەگٸزگٸ باعىتتاردىڭ بٸرٸ «مەملەكەتتٸك-جەكەشەلٸك ەرٸپتەستٸك جوبالارى مەن سەنٸمدٸ باسقارۋ». قالا بيلٸگٸ مەملەكەتتٸك بالاباقشالاردى جەكە كەسٸپكەرلەرگە 10 جىلعا دەيٸن باسقارۋعا بەرۋدٸ كٶزدەپ وتىر. بۇل ۋاقىت ارالىعىندا كەسٸپ يەسٸ بالاباقشادا جٶندەۋ جۇمىستارىن ٶزٸ جٷرگٸزٸپ, قاجەتتٸ جيھازدارمەن جەنە قۇرال-جابدىقتارمەن قامتاماسىز ەتەدٸ. بٸراق بالاباقشا اقىسىن قىمباتتاتىپ جٸبەرە المايدى.
– بالاباقشا اقىسى ٶسپەيدٸ. سەبەبٸ اتالمىش مەكەمەلەر مەملەكەتتٸكٸ بولىپ قالا بەرەدٸ. تەك ۋاقىتشا باسقارۋعا بەرٸلەدٸ. دەگەنمەن كەسٸپكەر بالاباقشادا قوسىمشا اقىلى قىزمەتتەر ۇسىنا الادى. بٸز ونىڭ بالاباقشا ٸسٸن دامىتۋداعى جوسپارلارىن شەكتەمەيمٸز, – دەيدٸ ٶسكەمەن قالالىق ەكونوميكا جەنە بيۋدجەتتٸك جوسپارلاۋ بٶلٸمٸنٸڭ باسشىسى ارمان مۇقتارقانۇلى.
بۇعان دەيٸن حابارلاعانىمىزداي, ٶسكەمەندە 30 قازان كٷنٸ ينۆەستيتسييالىق فورۋم ٶتەدٸ.
