Óskemende Lexus mingen politsiia qyzmetkeri rólge ie bola almai, qarsy jolaqta kele jatqan jolaýshylar avtobýsyna soǵyldy, - dep habarlaidy Tengrinews.kz tilshisi ShQO PD baspasóz qyzmetine silteme jasap.
Vedomstvo málimetinshe, oqiǵa 12 qarashada saǵat 12.47-de bolǵan.
Lexus kóliginiń 33 jastaǵy júrgizýshisi Úlbi ózeni arqyly ótetin kópirde róldi basqara almai, qarsy jolaqqa shyǵyp ketip, salonynda jolaýshylar bolǵan "PAZ" avtobýsymen soqtyǵysqan. Jol-kólik oqiǵasy saldarynan avtobýs júrgizýshisi men onyń 4 jolaýshysy ártúrli dene jaraqatyn alǵan.
"Lexus kóliginiń júrgizýshisi kezekshilikten keiin demalysta bolǵan politsiia qyzmetkeri. Aldyn ala málimet boiynsha, ol rólde uiyqtap qalǵan. Meditsinalyq saraptama qorytyndysy boiynsha saý bolǵan", - delingen habarlamada.
Qazirgi ýaqytta politsei "jabyq bas-mi jaraqaty, mi shaiqalýy, betindegi kóptegen jaraqaty" eskerilip, qalalyq aýrýhananyń jaraqat bólimine jatqyzylǵan, delingen habarlamada.
Derek belgilengen tártippen tirkelip, Qazaqstan Respýblikasy Qylmystyq kodeksiniń 345-baby boiynsha sotaldy tergeý bastalǵan. Aldyn ala tergeý amaldary júrgizilip jatyr, onyń qorytyndysy boiynsha kólik júrgizýshisiniń áreketine quqyqtyq baǵa beriledi.
