ٶسكەمەندە Lexus مٸنگەن پوليتسييا قىزمەتكەرٸ رٶلگە يە بولا الماي, قارسى جولاقتا كەلە جاتقان جولاۋشىلار اۆتوبۋسىنا سوعىلدى, - دەپ حابارلايدى Tengrinews.kz تٸلشٸسٸ شقو پد باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, وقيعا 12 قاراشادا ساعات 12.47-دە بولعان.
Lexus كٶلٸگٸنٸڭ 33 جاستاعى جٷرگٸزۋشٸسٸ ٷلبٸ ٶزەنٸ ارقىلى ٶتەتٸن كٶپٸردە رٶلدٸ باسقارا الماي, قارسى جولاققا شىعىپ كەتٸپ, سالونىندا جولاۋشىلار بولعان "پاز" اۆتوبۋسىمەن سوقتىعىسقان. جول-كٶلٸك وقيعاسى سالدارىنان اۆتوبۋس جٷرگٸزۋشٸسٸ مەن ونىڭ 4 جولاۋشىسى ەرتٷرلٸ دەنە جاراقاتىن العان.
"Lexus كٶلٸگٸنٸڭ جٷرگٸزۋشٸسٸ كەزەكشٸلٸكتەن كەيٸن دەمالىستا بولعان پوليتسييا قىزمەتكەرٸ. الدىن الا مەلٸمەت بويىنشا, ول رٶلدە ۇيىقتاپ قالعان. مەديتسينالىق ساراپتاما قورىتىندىسى بويىنشا ساۋ بولعان", - دەلٸنگەن حابارلامادا.
قازٸرگٸ ۋاقىتتا پوليتسەي "جابىق باس-مي جاراقاتى, مي شايقالۋى, بەتٸندەگٸ كٶپتەگەن جاراقاتى" ەسكەرٸلٸپ, قالالىق اۋرۋحانانىڭ جاراقات بٶلٸمٸنە جاتقىزىلعان, دەلٸنگەن حابارلامادا.
دەرەك بەلگٸلەنگەن تەرتٸپپەن تٸركەلٸپ, قازاقستان رەسپۋبليكاسى قىلمىستىق كودەكسٸنٸڭ 345-بابى بويىنشا سوتالدى تەرگەۋ باستالعان. الدىن الا تەرگەۋ امالدارى جٷرگٸزٸلٸپ جاتىر, ونىڭ قورىتىندىسى بويىنشا كٶلٸك جٷرگٸزۋشٸسٸنٸڭ ەرەكەتٸنە قۇقىقتىق باعا بەرٸلەدٸ.
