Óskemen qalasynda kóshede birneshe jerden pyshaqtalǵan er adam tabyldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, politsiiaǵa Nazarbaev dańǵyly boiynda belgisiz er adamnyń jatqany týraly habar kelip tústi. Oqiǵa ornyna jetken politseiler onyń 35 jastaǵy shahar turǵyny ekenin anyqtaǵan. Eki jaq keýdesine pyshaq kirgen azamat aýrýhanaǵa jetkizildi.
«Jedel-izdestirý sharalaryn júrgizgen politsiia qyzmetkerleri kúdikti retinde zardap shegýshiniń 48 jastaǵy tanysyn ustady. Tergeý barysynda sol kúni keshke er adamdardyń alkogoldi ishimdik ishkeni belgili boldy. Kenet ekeýi sózge kelmei qalǵanda kúdikti qolyna pyshaq alyp, jábirlenýshige birneshe ret suǵyp jibergen», - delingen aqparatta.
Atalǵan fakti boiynsha QR QK-niń 106-baby 1-bóligine sáikes sotqa deiingi tergeý amaldary bastaldy.
