Óskemen qalasynda qańtar oqiǵasynda jappai tártipsizdikke qatysqan jeti adam sottaldy, dep habarlaidy QazAqparat.
Qalalyq sot qańtar oqiǵasyna qatysqan 7 adamǵa úkim shyǵardy. Olar 5-6 qańtar kúnderi eldi jappai tártipsizdikke shaqyrǵany jáne búlikke ózderi qatysqany úshin QR Qylmystyq Kodeksiniń 272-baby boiynsha kináli dep tanyldy.
«Jeteýi de óz qylmystaryn moiyndady. Sot jazany jeńildetetin mán-jailardy eskere otyryp, tórt aiyptalýshyny bir jyl alty aiǵa bas bostandyǵyn shektedi. Qalǵan úsheýine probatsiialyq baqylaý belgileýmen 4 jylǵa shartty túrde bas bostandyǵynan aiyrý jazasy taǵaiyndaldy», - dep habarlady ShQO Prokýratýrasynyń baspasóz qyzmeti.
Aita keteiik, búgingi tańda Óskemen men Semei qalalarynyń sottary jappai tártipsizdikke barǵan taǵy 36 adamǵa qatysty 6 qylmystyq isti qaraýda.
