Óskemende Nur-Sultan qalasynan kelgen avtobýs jolaýshylaryna meditsinalyq tekserý júrgizilýde, dep habarlaidy QazAqparat.
Koronavirýstyń taralýyna jol bermeý maqsatynda qurylǵan qalalyq shtab ókilderiniń málimetinshe, 19 naýryz kúni shaharǵa elordadan 3 avtobýs reisi kelgen. Dárigerler jolaýshylardyń barlyǵymen jumys isteýde.
«Ár adamnyń dene qyzýy ólshenip, saýalnama júrgizilip, tiisti málimetter jinalýda. Keshke qarai Almatydan avtobýstar keledi dep kútilýde. Biz qala turǵyndarynan osyndai saqtyq sharalaryna túsinistikpen qaraýdy suraimyz», - delingen málimette.
