Óskemende dúkenniń ashylýynda tegin tamaq pen aiaqkiim taratqan kásipker jazalandy, dep habarlaidy Ult.kz.
Sot er adamǵa bes táýlikke qamaýǵa alý jazasyn taǵaiyndady.
"Sot 2026 jyldyń 11 sáýirinde Óskemen qalasyndaǵy "Bashpai" dúkeninde azamat T qoǵamdyq oryndardaǵy jalpy qabyldanǵan tártip normalaryn buza otyryp, jappai is-shara uiymdastyrǵanyn anyqtady. Is-shara barysynda taýarlar jeńildikpen satylyp, tegin tamaq taratylǵan. Osy áreketterdiń saldarynan azamattardyń jappai jinalýy oryn alyp, sonyń nátijesinde jurt qysylyp, shý jáne tártipsizdik týyndaǵan", – delingen Shyǵys Qazaqstan oblystyq sotynyń habarlamasynda.
Sot er adamdy “usaq buzaqylyq” baby boiynsha kináli dep tanydy. Sot qaýlysy zańdy kúshine engen joq.
