Óskemen qalasynda politsiia qyzmetkerleri Ekinshi dúniejúzilik soǵys ardagerleriniń qurmetine ornatylǵan Dańq memorialyn buzǵan vandaldardy izdestirýde, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, 24 mamyr kúni politsiiaǵa belgisiz bireýlerdiń Dańq memorialyn buzǵany týraly aqparat túsken.
Anyqtalǵandai, vandaldar Máńgilik alaýdaǵy jasandy gúlderdi órtep jibergen. Bunymen qoimai, janǵan gúlderdi soǵys ardagerleriniń aty-jóni jazylǵan eskertkishke tósegen.
«Qazirgi ýaqytta atalǵan fakti boiynsha QR Qylmystyq Kodeksiniń 294-babyna sáikes sotqa deiingi tergeý amaldary bastaldy», - dep habarlady vedomstvo ókilderi.
Tártip saqshylary vandaldardyń kim ekenin anyqtaý úshin jedel-izdestirý sharalaryn júrgizip jatyr.
