Óskemen qalasynyń ákimi Jaqsylyq Omar shaharda azyq-túlik qorynyń jetkilikti ekenin aitty, dep habarlaidy "Ult aqparat".
Sońǵy kúnderi qala turǵyndary jappai azyq-túlik satyp alýda. Dúiim jurt taýarlardyń jetpei qalady jáne baǵa qymbattap ketedi dep alańdaýly. Osy oraida qala ákimi halyqty sabyrǵa shaqyrdy.
«Búgin oblys ákiminiń birinshi orynbasary Erlan Aimuqashevtyń tóraǵalyq etýimen bul máselege orai jiyn ótti. Oǵan qaladaǵy barlyq saýda ortalyqtary men bazar basshylary qatysqan. Jiyn barysynda azyq-túlik qorynyń jetkilikti jáne baǵanyń turaqty ekeni aityldy. Sondyqtan turǵyndardy daýryqpaýǵa shaqyramyn», - deidi Jaqsylyq Muqashuly.
