Óskemen qalasyndaǵy koronavirýstyń taralýyna jol bermeý maqsatynda qurylǵan shtab ókilderi turǵyndardy áleýmettik jelide tarap jatqan aqparatqa senbeýge shaqyrdy, dep habarlaidy "Ult aqparat".
Kesheli beri áleýmettik jelilerde «Óskemenge Máskeýden kelgen 3 adamnan koronavirýs anyqtaldy» degen aqparat tarap ketken.
«Bul málimet shyndyqqa janaspaidy. Qazir ShQO-da bir de bir koronavirýs juqtyrý faktisi tirkelmegen. El arasynda jalǵan aqparat taratqandardyń zańǵa sáikes jazaǵa tartylatynyn eskertemiz», - dep habarlady shtab ókilderi.
