Óskemen qalasynyń turǵyny ózin rieltor retinde tanystyrǵan alaiaqqa aldanyp qalǵan, dep habarlaidy QazAqparat.
Qalalyq Politsiia basqarmasy baspasóz qyzmetiniń málimetine súiensek, tártip saqshylaryna 58 jastaǵy azamat júgingen. Onyń aitýynsha, ózin rieltor retinde tanystyrǵan áiel adam páter alý úshin aldyn ala tólem retinde 8 mln teńge surady. Buǵan sengen shahar turǵyny sol aqshany bere salǵan.
«Alaiaq jábirlenýshige úidi brondaýǵa jáne qysqa merzimde mámile jasasýǵa qarajat kerektigin aityp aldady. Biraq aqsha qolyna tigennen keiin múlde habar-osharsyz ketken. Atalǵan fakti boiynsha politsiia qyzmetkerleri 31 jastaǵy óskemendikti qolǵa túsirdi», - dedi basqarma bastyǵy Andrei Mýla.
Qazirgi ýaqytta oǵan qatysty QR Qylmystyq Kodeksiniń 190-baby 3-bóligine (Alaiaqtyq) sáikes sotqa deiingi tergeý amaldary bastaldy.
