Foto: inbusiness.kz
Politseiler Óskemen qalasynyń turǵynyn tekserý barysynda ekstremistik dep tanylǵan, sáikesinshe Qazaqstanda tyiym salynǵan dini ádebietterdi tasymaldaý faktisin anyqtady, dep habarlaidy «Ult aqparat» inbusiness.kz -ke silteme jasap.
Óskemen qalasynyń mamandandyrylǵan sotynyń sheshimimen oǵan 100 AEK mólsherinde aiyppul taǵaiyndaldy. ShQO PD ekstremizmge qarsy kúres basqarmasynyń qyzmetkerleri dini ádebietterdi, dini mazmundaǵy ózge de aqparattyq materialdardy, dini maqsattaǵy zattardy taratýǵa tek ǵibadat úilerinde, dini bilim berý uiymdarynda, sondai-aq jergilikti atqarýshy organdar arnaiy aiqyndaǵan statsionarlyq úi-jailarda ǵana jol beriletinin eske salady.
Ekstremistik dep tanylǵan jáne Qazaqstan Respýblikasynyń aýmaǵyna ákelýge, basyp shyǵarýǵa jáne taratýǵa tyiym salynǵan dini ádebietter men aqparattyq materialdardyń tizimimen Qazaqstan Respýblikasy Bas prokýratýrasynyń quqyqtyq statistika jáne arnaiy esepke alý komitetiniń saitynda tanysýǵa bolatynyn eske salamyz.
