© AP Photo / Ahn Young-joon
Er adam tanymal "Kalmar oiyny" serialyndaǵy maskany taǵyp, janarmai quiý stantsiiasyna shabýyl jasady, dep habarlaidy Sputnik Qazaqstan.
Óskemen politsiia departamenti baspasóz qyzmetiniń habarlaýynsha, oqiǵa 30 mamyrda bolǵan.
"Óskemen politsiia departamentiniń "102" jedel jelisine habarlama kelip tústi. Qońyraý soqqan adam túnde "Kalmar oiyny" serialyndaǵy maskany kigen belgisiz er adam Geidernaia kóshesindegi janar-jaǵarmai quiý stantsiiasyndaǵy kassirdi tapanshaǵa uqsas zatpen qorqytý arqyly inkassator sómkesindegi eki millionnan astam aqshany tonap ketkenin habarlady", - dep málimdedi departamenttegiler.
Tártip saqshylary signaldy qabyldaǵannan keiin qylmysty ashýǵa tez arada kirisip ketken. Tergeý amaldarynyń búkil keshenin júrgizgennen soń kriminaldy politsiia qyzmetkerleri eki saǵat ishinde oblys ortalyǵynyń 40 jastaǵy turǵynyn ustady.
Tonalǵan qarajat ustalǵan er adamnyń avtokóliginen tabyldy. Al úiden er adam qylmys kezinde kezengen "qarý" tabyldy. Onyń oiynshyq ekeni anyqtaldy.
Kúdikti sot sanktsiiasymen qamaýǵa alyndy. Ol tonaý faktisi boiynsha aiyptalyp otyr. Sot sanktsiiasy 7 jyldan 12 jylǵa deiin bas bostandyǵynan aiyrýdy qarastyrady.
