Óskemen men Semei qalalarynda demalys kúnderi qoǵamdyq kólik qatynamaidy, dep habarlaidy "Ult aqparat".
ShQO ákimi Danial Ahmetovtiń aitýynsha, bul - koronavirýs infektsiiasynyń tez taralyp ketpeýin jáne oblysty «qyzyl» aimaqtan shyǵarý úshin amalsyzdan jasalyp otyrǵan shara.
Koronavirýs infektsiiasyn juqtyrǵandardyń 41%-y Semeide, 34%-y Óskemende tirkelgen.
Ridder, Glýbokoe jáne Ulan aýdandarynda virýs juqtyrǵandardyń sany ósip barady.
Osyǵan bailanysty sanitarlyq-epidemiologiialyq talaptardyń saqtalýyn baqylaýdy kúsheitý úshin demalys kúnderi qoǵamdyq kólik qozǵalysyn shekteý týraly sheshim qabyldandy.
- Barlyq tamaqtaný oryndarynyń jumysy qatań baqylaýda bolady. Bizneske jasalǵan jeńildikter sanitarlyq-epidemiologiialyq normalardy saqtamaý degendi bildirmeidi. Sondyqtan, kásipkerler de óz nysandaryn qadaǵalaýlary kerek», - dedi D.Ahmetov.
Sondai-aq ol vaktsinatsiia qarqyny boiynsha oblys jaqsy nátije kórsetip otyrǵanyn aitty.
Vaktsinanyń eki komponentin 325 myńnan astam adam alǵan.
