6 sáýirden bastap Óskemen men Semei qalasynyń turǵyndary úiden shyǵý úshin ruqsat qaǵazyn alýy tiis, dep habarlaidy "Ult aqparat".
Ruqsat qaǵazynyń 2 túri bar. Birinshi túri – qalalardyń tynys-tirshiligin qamtamasyz etetin uiym qyzmetkerleri, jumys isteitin azamattarǵa arnalǵan. Ekinshi túri – árbir otbasyna beriledi. Ol arqyly aptasyna 3 ret saýda oryndaryna, dárihanalarǵa, bankter men meditsina mekemelerine barýǵa bolady. Ruqsat qaǵazynyń jasyl túsi – jup kúni, aq túsi – aidyń tek taq kúnderinde shyǵýǵa múmkindik beredi.
«Ruqsat qaǵazy ár páterge bireýden beriledi. Alaida ár adam mindetti túrde ózimen birge jeke kýáligin de alyp júrýi kerek. Ruqsat qaǵazynyń jaramdylyq merzimi – 1ai. Kópqabatty úide turatyndar atalmysh qaǵazdy alý úshin 1 sáýirden bastap PIK-ke jáne kondominiýmǵa júginýleri tiis. Al jer úi turǵyndary jergilikti basqarý komitetterine barýy qajet», - dedi Óskemen qalasynyń ákimi Jaqsylyq Omar Óńirlik kommýnikatsiialar qyzmetinde ótken onlain-brifing barysynda.
Esterińizge sala ketsek, osyǵan deiin 2 sáýirden bastap Óskemen men Semeide qosymsha shekteýler engiziletindigi habarlanǵan.
