«Altai Invest-2016» halyqaralyq forýmynda Óskemen men Semei qalalaryndaǵy qoǵamdyq kólikterdi modernizatsiialaý boiynsha aldyn ala kelisimderge qol qoidy. Atalmysh jobalardyń júzege asyrylýy - jolaýshylarǵa qyzmet kórsetý sapasyn arttyrýǵa múmkindik beredi.
Eýropalyq qaita qurý jáne damý banki tarapynan Shyǵys Qazaqstannyń eki iri qalasyna qaýipsizdik talaptaryna sai jaily, zamanaýi avtobýstardy satyp alýǵa nesielik qarjy bólinedi. Sonymen qatar, jobanyń aiasynda avtokólikterdiń qozǵalystaryn dispetcherlik jáne GPS baqylaý, elektrondy tólem júiesin engizý úshin arnaiy qondyrǵylardy satyp alý kózdelip otyr. Bank bólgen 9,6 mlrd teńgeniń 5,1 mlrd teńgesi Óskemen qalasyna, 4,5 mlrd teńgesi Semei qalasyna arnalǵan.
Qolǵa alynǵan joba qoǵamdyq kólikterde elektrondy tólem júiesin engizip, jolaýshylar sany boiynsha naqty málimet alýǵa, táýlik boiynda jolaýshylar aǵymyn anyqtaýǵa, osy arqyly tólem saiasatyn qalyptastyrýǵa jáne kólik kestesin jóndeýge múmkindik beredi.
Eýropalyq qaita qurý jáne damý bankiniń Qazaqstandaǵy direktory Djanet Hekmannyń aitýynsha, Bank Shyǵys Qazaqstan oblysynyń jobalaryn qoldap, innovatsiialyq múmkindikterin damytýǵa óz úlesin tigizbek.
- EQDB Shyǵys Qazaqstan oblysynda infraqurylym salasy boiynsha atqarylyp otyrǵan jumystardyń barysyna jáne olardyń nátijelerine joǵary senim bildiredi. Bul jobalar Banktiń mindeti men strategiialyq kún tártibine tolyqtai jaýap beredi, - dedi Djanet Hekman.
Qoǵamdyq kólikter Bankpen kelisile otyryp, ákimdikterdiń talaptaryna sáikes satyp alynatyn bolady.
Aita ketsek, ShQO ákimdigi men EQDB arasyndaǵy áriptestik bailanystar ótken jyly óz bastaýyn tapty. Búgingi tańda oblys ákimdiginiń EQDB-men investitsiialyq qory 245 mlrd teńgeni quraidy, onyń ishinde 37,7 mlrd teńgege aldyn ala jáne nesielik kelisimderge qol qoiyldy.
