Óskemen qalasynyń áýejaiy birinshi qazan kúni jumysyn qaita bastaidy, dep habarlaidy "Ult aqparat".
ShQO ákimi Danial Ahmetov Óskemen áýejaiyndaǵy rekonstrýktsiialaý jumystarynyń barysymen tanysty. Onyń aitýynsha, jumys qarqyny belgilengen kesteden jyldamyraq júrgizilýde. Jaqyn arada munda jaryqtandyrý jabdyǵy ornatylyp, tehnikalyq qyzmetterdiń bir bóligi ornalasatyn ǵimarat salynady.
«Áýejaidy jańǵyrtý barysynda eski ushý-qoný jolaǵyna jańa ári zamanaýi jabyn tóseldi. Sonymen qatar onyń uzyndyǵy 2800 metrge, eni 60 metrge deiin keńeitildi. Jańa ushý-qoný jolaǵy álemdik standarttarǵa sáikes keledi jáne joǵary klastaǵy ushaqtardy qabyldaýǵa, baǵyttar sanyn ulǵaitýǵa múmkindik beredi», - dedi aimaq basshysy.
Qazir qalaǵa áýejailardy sertifikattaityn arnaiy komissiia kelgen. Sondai-aq azamattyq aviatsiia komiteti mamandarynyń basshylyǵymen áýejaidyń ushý-qoný jolaǵy arnaiy tekserýden ótkiziledi.
«Óskemen áýejaiy sońǵy ret 1996 jyly jóndelgen. Biyl qazan aiynyń 1-i kúni áýejai óz jumysyn qaita bastaidy», - dedi Ahmetov.
