13 tamyzda Qazaqstan Respýblikasy Prezidentiniń 2019 jylǵy 12 tamyzdaǵy Jarlyqtarymen taǵaiyndalǵan Qazaqstan Respýblikasy Parlamenti Senatynyń depýtattaryn tirkeý, sondai-aq olardyń keibireýleriniń ókilettigin toqtatý jónindegi Qazaqstan Respýblikasy Ortalyq sailaý komissiiasynyń otyrysy ótti.
Bul týraly QR Ortalyq sailaý komissiiasynyń baspasóz qyzmeti habarlady.
Otyrys barysynda Ortalyq sailaý komissiiasy «Qazaqstan Respýblikasy Prezidentiniń keibir Jarlyqtarymen taǵaiyndalǵan Qazaqstan Respýblikasy Parlamenti Senatynyń depýtattaryn tirkeý týraly», «Qazaqstan Respýblikasy Parlamenti Senatynyń keibir depýtattarynyń ókilettigin toqtatý týraly» qaýlylar qabyldady.
«Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq Zańynyń 24-babynyń 1-tarmaǵyna sáikes jáne Qazaqstan Respýblikasy Prezidentiniń Jarlyqtary negizinde Qazaqstan Respýblikasy Parlamenti Senatynyń depýtattary bolyp: Júsip Nurtóre Baitilesuly, Shákirov Asqar Orazalyuly, Kul-Muhammed Muhtar Abraruly, Lýkin Andrei Ivanovich, Nazarbaeva Dariǵa Nursultanqyzy, Súleimen Lázzat Jańylysqyzy, Nurjigitova Dana Ómirbaiqyzy, Safinov Qanatbek Beisenbekuly tirkelgen.
Birinshi ret taǵaiyndalǵan Senat depýtattaryna Ortalyq sailaý komissiiasynyń tóraǵasy B. M. Imashev kýálikter men tósbelgilerin tapsyrdy.
«Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasynyń Konstitýtsiialyq zańyna sáikes tirkelgennen keiin sailanǵan depýtattar óz ókilettikterine kirisedi.
Sondai-aq otyrys barysynda Qazaqstan Respýblikasy Prezidentiniń Jarlyǵyna sáikes Qazaqstan Respýblikasy Parlamenti Senaty depýtattarynyń ókilettigin toqtatý týraly qaýly qabyldandy.
Olar: Áitimova Byrǵanym Saryqyzy, Beisenbaev Asqar Asanuly, Gromov Sergei Nikolaevich, Kim Georgii Vladimirovich, Kýstavletov Dýlat Rashitovich, Túsipbekov Rashid Toleýtaiuly.
Budan basqa, otyrys barysynda Qazaqstan Respýblikasy Parlamenti Májilisiniń depýtaty Máken Baqtiiar Mákenuly ókilettiginiń toqtatylýyna ákep soǵatyn negizdiń bastalýy týraly qaýly jáne Qostanai oblystyq sailaý komissiiasynyń tóraǵasy Antonina Mihailovna Markovany mindetterinen bosatý týraly qaýly qabyldandy.
Eske sala keteiik, keshe, 12 tamyz kúni Qazaqstan Prezidenti Qasym-Jomart Toqaevtyń Jarlyqtarymen Qazaqstan Respýblikasy Parlamenti Senatynyń depýtattary – Sergei Gromov, Georgii Kim, Dýlat Qosdáýletov jáne Rashid Túsipbekovterdiń, sondai-aq Birǵanym Áitimova men Asqar Beisenbaevtyń ókilettikteri toqtatylǵan bolatyn.
Basqa Jarlyqpen Memleket basshysy Asqar Beisenbaiulyn Qazaqstan Respýblikasynyń Belarýs Respýblikasyndaǵy tótenshe jáne ókiletti elshisi, TMD Jarǵy organdarynyń janyndaǵy turaqty ókil etip taǵaiyndady.
Budan bólek, QR Prezidentiniń Jarlyqtarymen Nurtóre Júsip pen Asqar Shákirov, sondai-aq Muhtar Qul-Muhammed, Andrei Lýkin, Lázzat Súleimen, Dana Nurjigitova, Qanatbek Safinov Qazaqstan Respýblikasy Parlamenti Senatynyń depýtattary etip taǵaiyndaldy. Memleket basshysynyń Jarlyǵymen Dariǵa Nazarbaeva QR Parlamenti Senatynyń depýtaty etip qaita taǵaiyndaldy.
Memleket basshysy ókilettigi toqtatylǵan senatorlarǵa alǵys aitty.
