Foto: el.kz
Ortalyq sailaý komissiiasy Parlament Senaty depýtattaryn sailaýdyń aldyn ala nátijesin jariialady, - dep habarlaidy "Ult aqparat".
Aita keteiik, senatorlardy janama sailaý quqyǵy negizinde jasyryn daýys berý arqyly máslihat depýtattary tańdady. Barlyq oblysta, sondai-aq Astana, Almaty jáne Shymkent qalalarynda 20 depýtat sailandy.
Sonymen, Astanada Parlament Senaty tóraǵasynyń keńesshisi Bibigúl Jeksenbai 62,1 paiyz daýys jinady.
Almatyda "Almaty qalasyn damytý ortalyǵy" AQ basqarma tóraǵasynyń keńesshisi Janna Asanova 62,2 paiyz daýys jinady.
Shymkentte 76,7 paiyz daýys jinap, qazirgi senator Nurlan Beknazarov jeńiske jetti.
Aldyn ala málimet boiynsha, Abai aýdany boiynsha depýtat bolyp Semei qurylys kolledjiniń direktory Qairat Tastekeev sailandy. Ol sailaýshylardyń 82,4 paiyz daýysyn jinady.
Almaty oblysynda senator Janbolat Jórgenbaev 83,2 paiyz daýys jinap, jeńiske jetti.
Atyraý oblysynda Atyraý oblystyq máslihatynyń hatshysy Álibek Náýtiev 68,6 paiyz daýys jinady.
Batys Qazaqstan oblysynda Batys Qazaqstan oblysy ákiminiń birinshi orynbasary Arman Óteǵulov 74,7 paiyz daýys jinady.
Jetisý óńirinde qazirgi Parlament Senaty depýtaty Amangeldi Tolamisov 76,3 paiyz jinady.
Qaraǵandy oblysynda Qaraǵandy oblystyq máslihatynyń hatshysy Serik Óteshov 78,2 paiyz daýys jinap, Senat depýtaty atandy.
Qostanai oblysynda Qostanai oblysy ákimi apparaty Bas basqarmasynyń birinshi orynbasary Ǵaýez Nurmuhambetov 83,1 paiyz daýys jinady.
Qyzylorda oblysynda Qyzylorda oblysynyń mádeniet jáne sport basqarmasynyń basshysy Rýslan Rústemov 67,4 paiyz daýys jinady.
Mańǵystaý oblysynda Mańǵystaý oblysy ákiminiń birinshi orynbasary Bekbol Orynbasarov 72 paiyz daýys jinady.
Pavlodar oblysynda "Pavlodar oblysy máslihatynyń apparaty" MM oblystyq máslihatynyń hatshysy Ernur Áitkenov 87,1 paiyz daýys jinady.
Soltústik Qazaqstan oblysynda 80,4 paiyz daýys jinaǵan Bilim ministrligi Orta bilim komitetiniń tóraǵasy Gúlmira Kárimova jeńiske jetti.
Ulytaý óńirinde Medebaev Sovetbek 61,7 paiyz daýys jinady.
Shyǵys Qazaqstan oblysynda Shyǵys Qazaqstan oblysy ákiminiń orynbasary Shákárim Buqtuǵytov 86 paiyz daýys jinady.
Aqtóbe oblysynda Aqtóbe oblystyq máslihatynyń hatshysy Amangeldi Nuǵmanov 83,1 paiyz daýys jinady.
Eske salaiyq, sailaý barlyq óńirde Astana ýaqyty boiynsha saǵat 11.00-de bastaldy.
Parlament senatyndaǵy 20 orynǵa 55 kandidat úmitker boldy.
Sondai-aq, respýblika boiynsha tańdaýshylar tizimine 3167 máslihat depýtaty engizilgen.
