Búgin Ortalyq sailaý komissiiasy prezident sailaýynda daýys berýge arnalǵan biýlleten mátinin bekitti, dep habarlaidy Baq.kz agenttigi.
2019 jyly 20 mamyrda sailaý ýchaskelerine tiisti ákimder qol qoiǵan sailaýshylardyń tizimi berildi. Tizimdegi sailaýshylardyń sany 11 947 995 adamdy qurady.
QR Sailaý týraly konstitýtsiialyq zańynyń 37-baby 2-tarmaǵyna sáikes sailaý biýlletenderi sailaýshylardyń jalpy sany 1% rezervimen sailaýshylardyń sanyna teń mólsherde daiyndalady. Osyǵan bailanysty 12 067 475 sailaý biýlletenin daiyndaý qajet.
«OSK prezidentti sailaý jónindegi daýys berýge arnalǵan biýlletenderdiń nysany men mátinin belgileidi jáne olardy daiyndaýdy qamtamasyz etedi. Prezidentti sailaý jónindegi biýlletenderdiń nysany OSK 2018 jylǵy 23 tamyzdaǵy №11/112 qaýlysynyń №1 qosymshasyna sáikes belgilengen. Sailaý biýlletenderine memlekettik tildiń álipbilik tártibimen tegi, aty, ákesiniń aty kórsetile otyryp, barlyq tirkelgen kandidattar engizildi. OSK prezidenttikke 7 kandidatty tirkedi», - dep aitty OSK hatshysy Sabila Mustafina.
OSK kandidattar biýlletende kelesidei tártippen kórsetilýi tiis ekenin aitty:
1. Ahmetbekov Jambyl Áýjanuly;
2. Espaeva Dániia Mádiqyzy;
3. Qosanov Ámirjan Saǵidrahmanuly;
4. Raqymbekov Tóleýtai Sataiuly;
5. Taspihov Amangeldi Satybaldyuly;
6. Toqaev Qasym-Jomart Kemeluly;
7. Túgel Sádibek.
OSK otyrys barysynda biýlleten mátinin kórsetti. Bir biýlleten baǵasy – 1 teńge. Sonda jalpy quny 132 742 225 teńgeni quraidy.
Ol biýlletenderdi qoldan jasaýdan jáne tiisinshe olardy burmalaýdan qorǵaýdy qamtamasyz etý maqsatynda sailaý biýlletenderiniń qorǵalý dárejesi belgilengenin aitty.
«Sailaý biýlletenderin oblystyq, respýblikalyq mańyzy bar qalalardyń, astananyń sailaý komissiialaryna jetkizý arnaiy bailanyspen júzege asyrylady. Oblystyq, respýblikalyq mańyzy bar qalalar men astananyń sailaý komissiialaryna sailaý biýlletenderin úsh kúnnen, iaǵni 6 maýsymnan erte emes jáne sailaýǵa deiin bir kúnnen, iaǵni 8 maýsymnan keshiktirmei jetkizýdi qamtamasyz etý qajet», - dep aitty ol.
