Sailaý protsesine qatysýshylardyń quqyq normalaryn durys jáne birkelki túsinýi jáne qoldanýy maqsatynda sailaý naýqany kezeńinde Ortsailaýkom men basqa da organdardyń ókilettikterine qatysty zańnamany túsindirý bóligindegi quqyqtyq normalar qaraldy, dep habarlaidy "Ult aqparat".
Konstitýtsiianyń 72-babyna sáikes, Konstitýtsiialyq Keńes Konstitýtsiianyń normalaryna resmi túsindirme beretin jalǵyz organ bolyp tabylady.
Normativtik quqyqtyq aktilerdi túsindirý tártibi «Quqyqtyq aktiler týraly» Zańmen reglamenttelgen.
Bul zań túsindirýdiń eki nysanyn qarastyrady: resmi jáne beiresmi.
Máselen, Qazaqstan Respýblikasy Úkimetiniń normativtik quqyqtyq aktilerine resmi túsindirme berýdi Premer-Ministrdiń tapsyrmasy boiynsha Ádilet ministrligi múddeli memlekettik organdarmen birlesip júzege asyrady.
Sailaý zańnamasyn túsindirý «Qazaqstan Respýblikasyndaǵy sailaý týraly» Konstitýtsiialyq zańnyń normalarymen de, «Quqyqtyq aktiler týraly» zańnyń erejelerimen de retteledi.
OSK-nyń sailaý zańnamasyn túsindirý sheńberinde quqyqtyq aktiler týraly Zań OSK-ǵa óziniń normativtik quqyqtyq qaýlylaryn ǵana resmi túsindirý jónindegi ókilettikter beredi.
Uiymdastyrýshy rólinde bola otyryp, OSK óziniń normativtik quqyqtyq qaýlylary boiynsha resmi túsindirme berý úshin ýákiletti memlekettik organdardyń pozitsiiasyn aldyn ala suratýǵa quqyly.
Bul rette OSK zańdardyń, sonyń ishinde sailaý týraly Konstitýtsiialyq zańnyń normalaryna resmi túsindirme berýge quqyly emes.
