Foto ashyq derekkózden alyndy
QR Ortalyq sailaý komissiiasynyń múshesi Shavhat Ótemisov AES qurylysyna qatysty referendýmǵa daiyndyq jumystary jóninde túsinik berdi, dep habarlaidy QazAqparat.
«Referendým ótetini jaiynda jariialandy. Ony ótkizý merzimi keiinirek málim bolady. Jalpy, Ortalyq sailaý komissiiasy bul jumystarǵa daiyn. Iaǵni sailaýshylar tizimin qurý, aýmaqtyq sailaý komissiialaryna qatysty jumystar eskerilgen», - dedi Shavhat Ótemisov Parlament Májilisinde tilshiler suraǵyna jaýap bere otyryp.
Osy oraida OSK múshesi aldaǵy ýaqytta barlyq josparly is-sharalar atqarylatynyn aitty.
Sonymen qatar tilshiler refrendýmdy biyl ótkizý týraly sheshim jasalsa, Ortalyq sailaý komissiiasy bul naýqanǵa qanshalyqty daiyn bolatynyn surady.
«Referendým merzimine qatysty derek áli jariialanǵan joq. Eger biyl uiymdastyrý týraly sheshim jasalsa, Ortalyq sailaý komissiiasy daiyn bolady», - dedi OSK múshesi.
Atap aitqanda, biyl 1 qyrkúiektegi Joldaýynda Memleket basshysy Qasym-Jomart Toqaev atom elektr stansasyn salý máselesin jalpyulttyq referendým arqyly sheshý kerek ekenin aitty.
Aita keteiik, Prezident Qasym-Jomart Toqaev 1 qyrkúiektegi Joldaýynda atom elektr stantsiiasyn salý máselesin jalpyulttyq referendým arqyly sheshý kerek ekenin aitty.
Eske salaiyq, Atom elektr stantsiiasy qurylysy úshin Almaty oblysynyń Jambyl aýdanyndaǵy Úlken aýyly eń qolaily jer retinde tańdaldy. Osy saladaǵy álemdik tájiribe de zerdelendi. Sonyń negizinde iadrolyq tehnologiialardy jetkize alatyn kompaniialardyń tizimi jasaldy. Olar:
• HPR-1000 qytailyq CNNC kompaniiasy;
• APR-1400 reaktory bar korei KHNP kompaniiasy;
• VVER-1200 jáne VVER-1000 reaktorlary bar Resei Rosatom kompaniiasy;
• EPR-1200 reaktory bar frantsýz EDF kompaniiasy.
