Ortalyq sailaý komissiiasy Senat depýtaty Dariǵa Nazarbaevanyń ókilettigin toqtatty, dep habarlaidy Sputnik Qazaqstan.
Ortalyq sailaý komissiiasynyń otyrysy 4 mamyrda ótti.
"Qazaqstan Respýblikasy Parlamenti Senatynyń depýtaty Dariǵa Nazarbaevanyń ókilettigi toqtatyldy", - delingen komissiia saitynda.
Nazarbaevanyń ókilettigi Prezidenttiń 2 mamyrdaǵy jarlyǵy negizinde Konstitýtsiianyń 52-baby 5-tarmaǵyna, "Qazaqstan Respýblikasynyń Parlamenti jáne onyń depýtattarynyń mártebesi týraly" Konstitýtsiialyq zańynyń 24-baby 5 jáne 9-tarmaqtaryna sáikes toqtatyldy.
Osy jyldyń 2 mamyrynda Prezident Qasym-Jomart Toqaev Senat depýtaty Dariǵa Nazarbaevanyń ókilettigin toqtatty.
Ol 2016 jyldyń 13 qyrkúieginen bastap Parlamenttiń Joǵary palatasynyń depýtaty boldy. 2019 jyldyń naýryzynan 2020 jyldyń mamyryna deiin Senat tóraǵasy qyzmetin atqardy.
2015 jyldyń qyrkúieginen 2016 jyldyń qyrkúiegine deiin Premer-ministrdiń orynbasary, al 2012-2015 jyldary májilis depýtaty, tómengi palatanyń vitse-spikeri boldy.
