QR Ortalyq sailaý komissiiasynyń múshesi Erlan Daýylbaev aýyl ákimine kandidattarǵa qoiylatyn talaptardy jariialady, dep habarlaidy "Ult aqparat".
«Aýyldyq mańyzy bar qala, aýyl, kent, aýyl okýrgi ákimi bolyp sailaný úshin QR azamaty «Sailaý týraly» Konstitýtsiialyq zańda, «Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly» Zańynyń 36-babynda jáne memlekettik qyzmet salasyndaǵy zańnamada kózdelgen mynadai talaptarǵa sáikes kelýge tiis. Birinshi - 25 jasqa tolǵandyǵy. Ekinshi - zańda belgilengen tártippen tanylǵan is-áreketke qabilettiligi, sottylyǵynyń bolmaýy jáne sybailas jemqorlyq qylmys,sybailas jemqorlyq quqyq buzýshylyq jasaýynyń bolmaýy. Úshinshi - QR memlekettik qyzmet salasyndaǵy zańnamasynyń talaptaryna sáikestigin tiisti aýdandyq sailaý komissiiasy usynǵan qujattar negizinde memlekettik qyzmet ister jónindegi ýákiletti organ anyqtaidy», - dedi komissiia múshesi OSK otyrysy barysynda.
Sonymen qatar ol aýyl ákimine kandidattyń sáikestigin anyqtaý qalai júrgiziletindigin de egjei-tegjeili aityp berdi.
«Aýmaqtyq sailaý komissiiasy kandidat usynylǵannan keiin kandidattyń zańdarda qoiylatyn talaptarǵa sáikestigin anyqtaý protsesine dereý kirisedi. Ol úshin azamattyǵyn anyqtaý maqsatynda Ishki ister organdaryna, zańda belgilengen tártippen ótelmegen nemese alynbaǵan sottylyǵyn, zańda belgilengen tártippen tanylǵan sybailas jemqorlyq qylmysynyń,sybailas jemqorlyq quqyq buzýshylyǵynyń bolmaýyn prokýratýra organdarynan, kandidattardyń memlekettik qyzmet týraly zańnyń talaptaryna sáikes jáne osy laýazymǵa qoiylatyn biliktilik talaptaryna sáikestigin belgileý turǵysynan Memlekettik qyzmet isteri jónindegi aýdandyq departamentterge tiisti suraýlar jiberiledi. Jumysqa tartylǵan joǵaryda atalǵan memlekettik organdar jedel tártippen derekterdiń tiisti deńgeide tekserilýin jáne nátijelerin aýmaqtyq komissiialarǵa dereý usynylýyn qamtamasyz etý qajet», - dedi Erlan Daýylbaev.
