Búgin Úkimet otyrysynda Aýyl sharýashylyǵy ministri Saparhan Omarov 2021 jylǵa arnalǵan josparlardy baiandady, dep habarlaidy QazAqparat.
«Biyl jalpy aýyl sharýashylyǵy óniminiń ósimin 105 paiyzǵa, tamaq ónimderi óndirisiniń ósimin 107 paiyz deńgeiinde qamtamasyz etý josparlanyp otyr. Atalǵan josparly indikativter ishki naryqty áleýmettik mańyzy bar azyq-túlik taýarlarymen molyqtyrý jáne agroónerkásiptik keshenniń básekege qabilettiligin arttyrý esebinen qamtamasyz etiletin bolady. Bul úshin agroónerkásiptik keshen sýbektilerin memlekettik qoldaý, onyń ishinde investitsiialyq sýbsidiialaý jáne basqa da qarjy quraldary, ósimdik sharýashylyǵy men mal sharýashylyǵyndaǵy sýbsidiialaý jalǵasatyn bolady», - dedi ministr.
Onyń aitýynsha, osy maqsattarǵa biyl 300 mlrd teńgeden astam qarjy baǵyttalady.
«Iri 7 ekojúie qurý jónindegi tapsyrmaǵa sáikes Soltústik Qazaqstan oblysynda qýaty 300 myń tonna bolatyn dándi daqyldar, Aqmola oblysynda qýaty 200 myń tonna bolatyn maily daqyldar, Aqtóbe oblysynda 20 myń tonna, Almaty oblysynda 15 myń tonna bolatyn et óndiretin jáne óńdeitin ekojúieler qurý jónindegi investitsiialyq jobalar iske asyrylatyn bolady», - dedi Omarov.
