بٷگٸن ٷكٸمەت وتىرىسىندا اۋىل شارۋاشىلىعى مينيسترٸ ساپارحان وماروۆ 2021 جىلعا ارنالعان جوسپارلاردى باياندادى, دەپ حابارلايدى قازاقپارات.
«بيىل جالپى اۋىل شارۋاشىلىعى ٶنٸمٸنٸڭ ٶسٸمٸن 105 پايىزعا, تاماق ٶنٸمدەرٸ ٶندٸرٸسٸنٸڭ ٶسٸمٸن 107 پايىز دەڭگەيٸندە قامتاماسىز ەتۋ جوسپارلانىپ وتىر. اتالعان جوسپارلى ينديكاتيۆتەر ٸشكٸ نارىقتى ەلەۋمەتتٸك ماڭىزى بار ازىق-تٷلٸك تاۋارلارىمەن مولىقتىرۋ جەنە اگروٶنەركەسٸپتٸك كەشەننٸڭ بەسەكەگە قابٸلەتتٸلٸگٸن ارتتىرۋ ەسەبٸنەن قامتاماسىز ەتٸلەتٸن بولادى. بۇل ٷشٸن اگروٶنەركەسٸپتٸك كەشەن سۋبەكتٸلەرٸن مەملەكەتتٸك قولداۋ, ونىڭ ٸشٸندە ينۆەستيتسييالىق سۋبسيدييالاۋ جەنە باسقا دا قارجى قۇرالدارى, ٶسٸمدٸك شارۋاشىلىعى مەن مال شارۋاشىلىعىنداعى سۋبسيدييالاۋ جالعاساتىن بولادى», - دەدٸ مينيستر.
ونىڭ ايتۋىنشا, وسى ماقساتتارعا بيىل 300 ملرد تەڭگەدەن استام قارجى باعىتتالادى.
«ٸرٸ 7 ەكوجٷيە قۇرۋ جٶنٸندەگٸ تاپسىرماعا سەيكەس سولتٷستٸك قازاقستان وبلىسىندا قۋاتى 300 مىڭ توننا بولاتىن دەندٸ داقىلدار, اقمولا وبلىسىندا قۋاتى 200 مىڭ توننا بولاتىن مايلى داقىلدار, اقتٶبە وبلىسىندا 20 مىڭ توننا, الماتى وبلىسىندا 15 مىڭ توننا بولاتىن ەت ٶندٸرەتٸن جەنە ٶڭدەيتٸن ەكوجٷيەلەر قۇرۋ جٶنٸندەگٸ ينۆەستيتسييالىق جوبالار ٸسكە اسىرىلاتىن بولادى», - دەدٸ وماروۆ.
