Qazirgi kezde kez kelgen orynsyz aitylǵan sóz óshpendilik týdyrýy múmkin. Bul jaǵdaidy birte-birte ózgertip, onyń ornyna sarapshylyq-intellektýaldyq dialog ornatýdy bastaý qajet. Eki el, iaǵni Resei men Qazaqstan arasyndaǵy bailanys úzildi-kesildi ekijaqqa ketise almaidy. Óitkeni Qazaqstan da, Resei de bir-biriniń turaqty jáne tabysty damýyna asa múddeli. Biz bir-birimizben tyǵyz bailanystamyz. Biyl Qazaqstan men Resei arasynda diplomatiialyq qarym-qatynastar men strategiialyq áriptestikke 30 jyl toldy. Búgingi ózgermeli geosaiasi jaǵdaida «diplomatiianyń ekinshi jolyn», naqty aitqanda eki el arasyndaǵy sarapshylyq dialogty nyǵaitý óte mańyzdy.
Memleketaralyq tatýlyqty ornatý, kelesim úzbei úshin elimizde halyqaralyq basqosýlar ótýde. Máselen, Rim papasynyń elimizge kelýi – tarihi oqiǵanyń biri. Rim Papasy Frantsisk óz sózinde «Sizderde «Bereke basy – birlikte» degen mátel bar. Bul barlyq jerde, ásirese osy jerde mańyzdy uǵym ekeni sózsiz. Elde 150-ge jýyq etnikalyq top pen seksennen astam til bar. Ártúrli tarihy, mádeni jáne dini dástúrleri bar bul halyqtar birlese, adam aitsa nanǵysyz yntymaqtastyq ornatqan» dep, eldigimizdi ustap turǵan yntamaq ekenin basa nazar aýdardy. Osy tatýlyqty biz úlgi retinde kórsetýimiz kerek.
Ótkende «Ortalyq Aziia – Resei» sammiti ótti. Kezdesý barysynda álemdik saiasat pen aimaqtyq qaýipsizdiktiń ózekti máseleleri, Qazaqstan-Resei qarym-qatynasynyń perspektivalary, sondai-aq ǵylymi-zertteý qyzmeti siiaqty keń aýqymdy taqyryptar ortaǵa salyndy. Artynan qos tarap yntymaqtastyqty nyǵaitýǵa ýaǵdalasyp, birlesken ǵylymi-zertteý jumystardy jalǵastyratyn boldy.
Memleket basshysy Qasym-Jomart Toqaevtyń sózi dálel: «Búgin biz buryn-sońdy bolmaǵan geosaiasi shielenis pen álemdik ekonomikadaǵy kúsheie túsken daǵdarys jaǵdaiynda ómir súrip jatyrmyz. Bul qubylys qazirdiń ózinde «jahandyq disfýnktsiia» dep ataldy. AÓSShK-tiń buǵan deiingi 2019 jyly ótken sammitinen beri álemdik qoǵamdastyq aýyr synaqtardy bastan ótkerdi. Onyń saldary jahandyq damýǵa áli de áser etip otyr. Meniń oiymsha, bizdiń aldymyzda turǵan erekshe mańyzdy mindet – týyndaǵan zor qaýip-qaterler jaǵdaiynda halyqaralyq qatynastardaǵy turaqtylyqqa qol jetkizý. Kópjaqty mehanizmderge tyń serpin berý jáne ashyq dialogqa oralý asa mańyzdy».
Erkin Tuqymov,
QR Prezidenti janyndaǵy
Qazaqstannyń strategiialyq zertteýler institýtynyń direktory
