Portýgaliialyq shabýylshy Krishtianý Ronaldý "Manchester Iýnaitedke" oralý týraly armany oryndalǵanyn aitty, - dep habarlaidy Tengrinews.kz.
"Meni tanityndardyń bári "Manchester Iýnaitedke" degen sheksiz mahabbatym týraly biledi. Men oinaǵan jyldar jáne birge júrip ótken jol klýb tarihynda altyn áriptermen jazylǵan. Dál qazir Old Traffordqa qaitatynymdy búkil álemde jariialaǵanyn kórip, sezimimdi sózben aityp jetkize almai otyrmyn. Bul oryndalǵan arman siiaqty. Men tipti qarsylas retinde kelgende de, árqashan jankúierdiń súiispenshiligi men qurmetin sezinetinmin. Bul armandardyń 100 paiyz oryndalýy! Men óz ornyma oraldym! Tarih taǵy bir ret jazylady! P.S. Ser Aleks, bul siz úshin ... " - dep jazdy Ronaldý Instagram-paraqshasynda.
Aita keteiik, 27 tamyzda "Manchester Iýnaited" týrindik "Iýventýspen" portýgaliialyq fýtbolshy Krishtianý Ronaldýdyń aýysýyn kelisken bolatyn. Klýb Ronaldýmen eki jylǵa kelisimshartqa otyryp, taǵy bir maýsymǵa uzartý múmkindigin aldy. Ronaldýdyń italiialyq klýbpen kelisimsharty 2022 jyldyń 30 maýsymyna deiin eseptelgen edi.
