Atyraýda kanal saǵasyndaǵy qamys órtenip jatyr, dep habarlaidy "Ult aqparat".
Atyraý oblystyq Tótenshe jaǵdailar jónindegi departamenttiń habarlaýynsha, búgin «Aisan» kanalynyń saǵasynda shamamen 15-17 gektar aýmaqta quraq janyp jatqany anyqtalǵan. Bul kanal Kaspii teńiziniń jaǵalaýynda ornalasqan. Órt oshaqtaryn anyqtaý úshin departament bastyǵynyń orynbasary, azamattyq qorǵaý polkovnigi R. Blialovtyń basshylyǵymen saǵat 12:30-da «Eurocopter» ES-145 áýe kemesimen aerovizýaldy ushý júrgizilgen.
«Órtti sóndirý múmkin emes. Bul jerge órt sóndirý tehnikasy men jeke quram kireberis joldardyń bolmaýyna bailanysty bara almaidy. Alaida, atalǵan órt oblys ortalyǵyna qaýip tóndirmeidi», -dep habarlady departamenttiń baspasóz qyzmeti.
