اتىراۋدا كانال ساعاسىنداعى قامىس ٶرتەنٸپ جاتىر, دەپ حابارلايدى "ۇلت اقپارات".
اتىراۋ وبلىستىق تٶتەنشە جاعدايلار جٶنٸندەگٸ دەپارتامەنتتٸڭ حابارلاۋىنشا, بٷگٸن «ايسان» كانالىنىڭ ساعاسىندا شامامەن 15-17 گەكتار اۋماقتا قۇراق جانىپ جاتقانى انىقتالعان. بۇل كانال كاسپيي تەڭٸزٸنٸڭ جاعالاۋىندا ورنالاسقان. ٶرت وشاقتارىن انىقتاۋ ٷشٸن دەپارتامەنت باستىعىنىڭ ورىنباسارى, ازاماتتىق قورعاۋ پولكوۆنيگٸ ر. بليالوۆتىڭ باسشىلىعىمەن ساعات 12:30-دا «Eurocopter» ەس-145 ەۋە كەمەسٸمەن اەروۆيزۋالدى ۇشۋ جٷرگٸزٸلگەن.
«ٶرتتٸ سٶندٸرۋ مٷمكٸن ەمەس. بۇل جەرگە ٶرت سٶندٸرۋ تەحنيكاسى مەن جەكە قۇرام كٸرەبەرٸس جولداردىڭ بولماۋىنا بايلانىستى بارا المايدى. الايدا, اتالعان ٶرت وبلىس ورتالىعىنا قاۋٸپ تٶندٸرمەيدٸ», -دەپ حابارلادى دەپارتامەنتتٸڭ باسپاسٶز قىزمەتٸ.
