sýret ashyq derekkózden alyndy
Abai oblysynda órtten zardap shekken otbasylardyń balalaryna Óskemendegi ýniversitetten 10 grant bólinedi, dep habarlaidy QazAqparat.
Alapat órttiń saldarynan zardap shekken Abai oblysynyń turǵyndaryna elimizdiń túkpir-túkpirindegi jurt jan-jaqtan kómek kórsetýde. Onyń ishinde Shyǵys Qazaqstan halqy da kórshi óńirge kerek-jaraqtardy jiberip, qarjylai qoldaý bildirýde. Osy rette, Óskemendegi S.Amanjolov atyndaǵy ShQÝ-da qalys qalmady.
JOO qyzyl jalyn kesirinen qiyn jaǵdaiǵa tap bolǵan januialarǵa materialdyq kómek kórsetpek. Ýniversitettiń eńbek ujymy órt saldarynan qaza tapqan orman sharýashylyǵynyń 14 qyzmetkerine jáne azyq-túliksiz, qujatsyz, qarajatsyz qalǵan júzdegen adamǵa bir kúndik jalaqylaryn aýdarady.
«Kórshi Abai oblysyndaǵy órt – elimizge túsken aýyr salmaq. Jalpyulttyq aza. Mundaida ár azamat shette qalmaýy tiis dep esepteimiz. Ǵylymi keńes zardap shekken otbasylardyń balalaryna 10 grant berý týraly sheshim qabyldady. Ýniversitet ujymy marqumdardyń jaqyndary men týystaryna qaiǵyra kóńil aitady», - deidi ýniversitet rektory Muhtar Tólegen.
