سۋرەت اشىق دەرەككٶزدەن الىندى
اباي وبلىسىندا ٶرتتەن زارداپ شەككەن وتباسىلاردىڭ بالالارىنا ٶسكەمەندەگٸ ۋنيۆەرسيتەتتەن 10 گرانت بٶلٸنەدٸ, دەپ حابارلايدى قازاقپارات.
الاپات ٶرتتٸڭ سالدارىنان زارداپ شەككەن اباي وبلىسىنىڭ تۇرعىندارىنا ەلٸمٸزدٸڭ تٷكپٸر-تٷكپٸرٸندەگٸ جۇرت جان-جاقتان كٶمەك كٶرسەتۋدە. ونىڭ ٸشٸندە شىعىس قازاقستان حالقى دا كٶرشٸ ٶڭٸرگە كەرەك-جاراقتاردى جٸبەرٸپ, قارجىلاي قولداۋ بٸلدٸرۋدە. وسى رەتتە, ٶسكەمەندەگٸ س.امانجولوۆ اتىنداعى شقۋ-دا قالىس قالمادى.
جوو قىزىل جالىن كەسٸرٸنەن قيىن جاعدايعا تاپ بولعان جانۇيالارعا ماتەريالدىق كٶمەك كٶرسەتپەك. ۋنيۆەرسيتەتتٸڭ ەڭبەك ۇجىمى ٶرت سالدارىنان قازا تاپقان ورمان شارۋاشىلىعىنىڭ 14 قىزمەتكەرٸنە جەنە ازىق-تٷلٸكسٸز, قۇجاتسىز, قاراجاتسىز قالعان جٷزدەگەن ادامعا بٸر كٷندٸك جالاقىلارىن اۋدارادى.
«كٶرشٸ اباي وبلىسىنداعى ٶرت – ەلٸمٸزگە تٷسكەن اۋىر سالماق. جالپىۇلتتىق ازا. مۇندايدا ەر ازامات شەتتە قالماۋى تيٸس دەپ ەسەپتەيمٸز. عىلىمي كەڭەس زارداپ شەككەن وتباسىلاردىڭ بالالارىنا 10 گرانت بەرۋ تۋرالى شەشٸم قابىلدادى. ۋنيۆەرسيتەت ۇجىمى مارقۇمداردىڭ جاقىندارى مەن تۋىستارىنا قايعىرا كٶڭٸل ايتادى», - دەيدٸ ۋنيۆەرسيتەت رەكتورى مۇحتار تٶلەگەن.
