Qostanai oblysyndaǵy Baǵanaly aýylynyń turǵyndary órt qaýpine bailanysty evakýatsiialanyp jatyr, - dep habarlaidy "Ult aqparat" Tótenshe jaǵdailar ministrliginiń baspasóz qyzmetine silteme jasap.
"Halyqtyń qaýipsizdigin qamtamasyz etý maqsatynda Ozernoe aýylynan (250 adam), Amanqaraǵai aýylynyń soltústik bóliginen (1000 adam), Kalinino aýylynan (228 adam) jáne Lesnoe aýylynan (363 adam) barlyǵy 1841 adam evakýatsiialandy.
Jeldiń kúsheiýi sebep bop, órttiń orman alqabynan aýylǵa ótý qaýpine bailanysty Baǵanaly aýylyn qorǵaýǵa basqa ýchaskelerden kúshter men quraldardy qaita toptastyrý júrgizilip jatyr.
Qazirgi ýaqytta eki órt oshaǵy janyp jatyr. Jergilikti atqarýshy organdar Baǵanaly aýylynan 11 adamdy, onyń ishinde 2 balany Qazanbasy aýylyna evakýatsiialady. Oqiǵa ornynda TJM 10 birlik tehnika, jeke quramnan 52 adam, 4 áýe kemesi (TJM-3, QM-1), JAO 5 birlik tehnika, 14 adam, QM 9 birlik tehnika, UU 400 adam jumys jasap jatyr.
Jergilikti atqarýshy organdar evakýatsiialanǵandardy Áýliekól orta mektebi men Áýliekól mektep-internatyna ornalastyrýdy uiymdastyrdy, evakopýnkterde 66 adam bar, qalǵandary óz úilerine oralyp, týysqandaryna ornalastyryldy", - delingen habarlamada.
Ministrlik málimetinshe, órt sóndirý jumystary bes aýdanda - Amanqaraǵai, Lesnoe, Ozernoe, Baǵanaly jáne Kalinino aýyldary aimaǵynda, orman alqabynyń jalpy uzyndyǵy 5 shaqyrym bolatyn aýmaqta júrgizilip jatyr. Barlyǵy 91 turǵyn úi zardap shekken: Amanqaraǵai aýylynda - 85, Ozernyi aýylynda altaýy.
"Órtti sóndirýge 224 birlik tehnika, 7 áýe kemesi (TJM – 4 tikushaq, Qazavialesohran – 1 AN-2 ushaq, MO – 2 tikushaq), 5 órt sóndirý poiyzy, jeke quramnan 2193 adam kúshter men quraldar jumyldyryldy: TJM - 82 birlik tehnika, jeke quramnyń 418 adamy, 4 tikushaq sýaǵar qurylǵylarymen (Nur-Sultan q., Aqmola, Qostanai, Soltústik Qazaqstan oblystarynyń TJD, á/b 52859 (Qaraǵandy q.)); IIM - 61 birlik tehnika, jeke quramnyń 1000 adam; QM - 1 birlik tehnika, jeke quramnan 175 adam, sýaǵar qurylǵylarymen 2 tikushaq; EGTRM (RMQK "Kazaviaormankúzeti "jáne Orman sharýashylyǵy) - 42 birlik tehnika, 118 adam, 1 áýe kemesi; JAO - 38 birlik tehnika, 123 adam; EÓQ, eriktiler – 338 adam;" QTJ " AQ - 5 órt sóndirý poiyzy, 21 adam jumyldyryldy", - dep tolyqtyrdy TJM ókilderi.
Sondai-aq, qoǵamdyq tártipti qorǵaýǵa Ishki ister ministrliginiń jeke quramynan qosymsha 300 adam jumyldyrylǵan.
10 adam (5 adam, onyń ishinde bir kámeletke tolmaǵan adam, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jaraqat, kúiik alyp, jeńil jáne ortasha aýyrlyqtaǵy ýlaný oqiǵalaryna ushyrady, 1935 jylǵy týǵan bir adam qaza tapty.
Sý quiý qurylǵylary úshin tikushaqtarmen sý alý tabiǵi sý qoimasynan 25 km qashyqtyqta júrgiziledi. Órt sóndirý jumystary bastalǵan beri áýeden 109 ret sý shashyldy.
"Qazgidromet" RMK derekteri boiynsha 5 qyrkúiekte Qostanai oblysy Áýliekól aýdanynyń aýmaǵynda joǵary temperatýra 31 gradýsqa deiin saqtalady, jeldiń jyldamdyǵy sekýndyna 7 metrge deiin jetedi.
4 qyrkúiekte órt aýmaǵy 43 myń gektardan asty, orman sharýashylyǵynyń jalpy aýdany - 107 257 ga.
TJM men Qostanai oblysynyń TJD jedel jeli jumys isteidi, psihologtarynyń jumysy uiymdastyryldy. TJM jedel jelisine aqparattyq sipattaǵy 34 qońyraý kelip tústi. Sonymen qatar, Qostanai oblysy TJD 2 psihology, Qostanai oblysy PD 3 psihology jáne "Saryarqa Avtoprom" JShS 3 psihology Áýliekól aýdanynyń evakopýnkterinde halyqqa shuǵyl psihologiialyq kómek kórsetýde. 57 adamǵa jáne toptyq jumys formatynda 45 balaǵa konsýltativtik kómek kórsetildi.
Tótenshe jaǵdailar jónindegi komissiia otyrysynyń hattamasy jáne Qostanai oblysy ákiminiń jergilikti aýqymdaǵy tótenshe jaǵdaidy jariialaý týraly sheshimi ázirlendi jáne qol qoiyldy.
Novonejenka aýylynda QR TJM 52859 áskeri bólim kúshimen zardap shekken halyqty qabyldaý úshin palatalar tigildi.
Sýaǵyzý qurylǵylary bar Nur-Sultan qalasynda QR QM 3 áýe kemesi ázirlikte tur.
Nur-Sultan qalasynda Májilis depýtattarynyń bastamasy boiynsha zardap shekkenderge gýmanitarlyq kómek kórsetetin kolonna qurylýda.
