QR Bilim jáne ǵylym ministrligi 2020 jylǵy kezekti Ulttyq biryńǵai testileý qorytyndysyn jariialady, dep habarlaidy "Ult aqparat".
Kezekti UBT elimiz boiynsha 21 maýsym men 1 shilde aralyǵynda ótkizildi. Oǵan rekordtyq kólemde – 131 754 ótinish tirkelse, onyń 111 113-i, iaǵni 82 paiyzy – biylǵy mektep túlekteri. Ótken jyly bul kórsetkish 12% tómen bolǵanyn atap ótken jón.
2020 jyly Ulttyq biryńǵai testileý 161 pýnktte júrgizildi. Testileýdiń ádil ótý barysyn qadaǵalaý maqsatynda qalalar men óńirlerge Bilim jáne ǵylym ministrligi tarapynan 1 983 ókil jiberildi. Sonymen birge, UBT barysyn Sybailas jemqorlyqqa qarsy agenttik, Úkimettik emes uiym, BAQ, «Adaldyq alańy» jobalyq keńseleriniń ókilderi men qoǵam belsendileri bar Arnaiy monitoringtik top (510 adam) baqylady.
UBT qorytyndysy boiynsha, testileýge tirkelgen azamattardyń 92,1% testileýge qatysty, 2019 jyly bul kórsetkish 94% quraǵan bolatyn. Shekti baldy 82 154 talapker jinady, bul ótken jylǵy kórsetkishtermen salystyrǵanda bir deńgeide qalyp otyr. Jalpy respýblika boiynsha ortasha kórsetkish 64,06 baldy qurady, munda 2019 jylǵy ortasha kórsetkishpen salystyrǵanda aitarlyqtai aiyrmashylyq joq (65,5 ball).
Biylǵy testileýde alǵash ret elektrondyq úkimet bazasy arqyly Face ID júiesi paidalanyldy, osyǵan bailanysty UBT tapsyrýǵa basqa adamnyń kirýge árekettenýi aitarlyqtai tómendedi. Máselen, biyl 7 mektep túlegi óz ornyna UBT-ǵa basqa adamdy jibermek bolǵan, ótken jyly dál osyndai 34 jaǵdai oryn alǵan edi.
119 talapker densaýlyǵyna bailanysty UBT tapsyrmady. Olar úshin basqa kúnderi, iaǵni 19 shildege deiin testileý uiymdastyrylatyn bolady.
Sonymen birge, biyl alǵash ret talapkerlerge kalkýliatorlar paidalanýǵa ruqsat etildi. Testileý ýaqyty uzartylyp, túlekter qorytyndy mektep emtihandarynan bosatyldy.
UBT júrgizilgen ár aýditoriia arnaiy beinebaqylaý kameralarymen jabdyqtalǵan bolatyn, nátijesinde 9,5 mln-nan astam adam UBT barysyn onlain rejimde baqylady. Endi erejege sáikes 2020 jylǵy 25 tamyzǵa deiin beinejazbalar jiti tekseriledi. Eger beinejazbada grant ielengen talapkerdiń tyiym salynǵan zattardy paidalanǵany anyqtalsa, testilenýshiniń UBT nátijesi joiylady jáne granty qaitarylady.
Elimizdiń barlyq UBT ótkizý beketterinde saqtyq sharalary qolǵa alynyp, meditsinalyq-sanitarlyq normalar qatań saqtaldy. Árbir UBT-ǵa qatysýshy dezinfektsiialaýdyń 5 kezeńinen ótti: dezinfektsiialyq ótkelderden ótip, arnaiy kilemshede aiaq kiimderin zararsyzdandyrdy, dene qyzýyn ólshetip, qoldaryn zararsyzdandyrý suiyqtyǵymen óńdedi jáne birneshe meditsinalyq maska aldy.
Testileýge kirgizý jáne otyrǵyzý kezinde talapkerler arasynda eki metr araqashyqtyq saqtaldy. Árbir aýditoriia bakteritsidtik quraldarmen jáne aýa retsirkýliatorlarymen jeldetildi jáne tazartyldy. Aýditoriialar 35% deiin toltyryldy, árqaisysynda tek 10-18 adam otyrdy. Ótken jyly bir aýditoriiada orta eseppen 50 talapker bolǵan edi. Jalpy, maýsym aiyndaǵy Ulttyq biryńǵai testileý qalypty rejimde ótti.
Eske sala keteiik, kelesi UBT tamyz aiynda ótedi, onda talapker shektik ball jinasa, JOO-nyń aqyly bólimine oqýǵa túse alady.
Sonymen birge, JOO aqyly bólimine túsý úshin qańtar aiyndaǵy UBT sertifikattary da jaramdy bolyp qala beredi.
