قر بٸلٸم جەنە عىلىم مينيسترلٸگٸ 2020 جىلعى كەزەكتٸ ۇلتتىق بٸرىڭعاي تەستٸلەۋ قورىتىندىسىن جارييالادى, دەپ حابارلايدى "ۇلت اقپارات".
كەزەكتٸ ۇبت ەلٸمٸز بويىنشا 21 ماۋسىم مەن 1 شٸلدە ارالىعىندا ٶتكٸزٸلدٸ. وعان رەكوردتىق كٶلەمدە – 131 754 ٶتٸنٸش تٸركەلسە, ونىڭ 111 113-ٸ, ياعني 82 پايىزى – بيىلعى مەكتەپ تٷلەكتەرٸ. ٶتكەن جىلى بۇل كٶرسەتكٸش 12% تٶمەن بولعانىن اتاپ ٶتكەن جٶن.
2020 جىلى ۇلتتىق بٸرىڭعاي تەستٸلەۋ 161 پۋنكتتە جٷرگٸزٸلدٸ. تەستٸلەۋدٸڭ ەدٸل ٶتۋ بارىسىن قاداعالاۋ ماقساتىندا قالالار مەن ٶڭٸرلەرگە بٸلٸم جەنە عىلىم مينيسترلٸگٸ تاراپىنان 1 983 ٶكٸل جٸبەرٸلدٸ. سونىمەن بٸرگە, ۇبت بارىسىن سىبايلاس جەمقورلىققا قارسى اگەنتتٸك, ٷكٸمەتتٸك ەمەس ۇيىم, باق, «ادالدىق الاڭى» جوبالىق كەڭسەلەرٸنٸڭ ٶكٸلدەرٸ مەن قوعام بەلسەندٸلەرٸ بار ارنايى مونيتورينگتٸك توپ (510 ادام) باقىلادى.
ۇبت قورىتىندىسى بويىنشا, تەستٸلەۋگە تٸركەلگەن ازاماتتاردىڭ 92,1% تەستٸلەۋگە قاتىستى, 2019 جىلى بۇل كٶرسەتكٸش 94% قۇراعان بولاتىن. شەكتٸ بالدى 82 154 تالاپكەر جينادى, بۇل ٶتكەن جىلعى كٶرسەتكٸشتەرمەن سالىستىرعاندا بٸر دەڭگەيدە قالىپ وتىر. جالپى رەسپۋبليكا بويىنشا ورتاشا كٶرسەتكٸش 64,06 بالدى قۇرادى, مۇندا 2019 جىلعى ورتاشا كٶرسەتكٸشپەن سالىستىرعاندا ايتارلىقتاي ايىرماشىلىق جوق (65,5 بالل).
بيىلعى تەستٸلەۋدە العاش رەت ەلەكتروندىق ٷكٸمەت بازاسى ارقىلى Face ID جٷيەسٸ پايدالانىلدى, وسىعان بايلانىستى ۇبت تاپسىرۋعا باسقا ادامنىڭ كٸرۋگە ەرەكەتتەنۋٸ ايتارلىقتاي تٶمەندەدٸ. مەسەلەن, بيىل 7 مەكتەپ تٷلەگٸ ٶز ورنىنا ۇبت-عا باسقا ادامدى جٸبەرمەك بولعان, ٶتكەن جىلى دەل وسىنداي 34 جاعداي ورىن العان ەدٸ.
119 تالاپكەر دەنساۋلىعىنا بايلانىستى ۇبت تاپسىرمادى. ولار ٷشٸن باسقا كٷندەرٸ, ياعني 19 شٸلدەگە دەيٸن تەستٸلەۋ ۇيىمداستىرىلاتىن بولادى.
سونىمەن بٸرگە, بيىل العاش رەت تالاپكەرلەرگە كالكۋلياتورلار پايدالانۋعا رۇقسات ەتٸلدٸ. تەستٸلەۋ ۋاقىتى ۇزارتىلىپ, تٷلەكتەر قورىتىندى مەكتەپ ەمتيحاندارىنان بوساتىلدى.
ۇبت جٷرگٸزٸلگەن ەر اۋديتورييا ارنايى بەينەباقىلاۋ كامەرالارىمەن جابدىقتالعان بولاتىن, نەتيجەسٸندە 9,5 ملن-نان استام ادام ۇبت بارىسىن ونلاين رەجيمدە باقىلادى. ەندٸ ەرەجەگە سەيكەس 2020 جىلعى 25 تامىزعا دەيٸن بەينەجازبالار جٸتٸ تەكسەرٸلەدٸ. ەگەر بەينەجازبادا گرانت يەلەنگەن تالاپكەردٸڭ تىيىم سالىنعان زاتتاردى پايدالانعانى انىقتالسا, تەستٸلەنۋشٸنٸڭ ۇبت نەتيجەسٸ جويىلادى جەنە گرانتى قايتارىلادى.
ەلٸمٸزدٸڭ بارلىق ۇبت ٶتكٸزۋ بەكەتتەرٸندە ساقتىق شارالارى قولعا الىنىپ, مەديتسينالىق-سانيتارلىق نورمالار قاتاڭ ساقتالدى. ەربٸر ۇبت-عا قاتىسۋشى دەزينفەكتسييالاۋدىڭ 5 كەزەڭٸنەن ٶتتٸ: دەزينفەكتسييالىق ٶتكەلدەردەن ٶتٸپ, ارنايى كٸلەمشەدە اياق كيٸمدەرٸن زارارسىزداندىردى, دەنە قىزۋىن ٶلشەتٸپ, قولدارىن زارارسىزداندىرۋ سۇيىقتىعىمەن ٶڭدەدٸ جەنە بٸرنەشە مەديتسينالىق ماسكا الدى.
تەستٸلەۋگە كٸرگٸزۋ جەنە وتىرعىزۋ كەزٸندە تالاپكەرلەر اراسىندا ەكٸ مەتر اراقاشىقتىق ساقتالدى. ەربٸر اۋديتورييا باكتەريتسيدتٸك قۇرالدارمەن جەنە اۋا رەتسيركۋلياتورلارىمەن جەلدەتٸلدٸ جەنە تازارتىلدى. اۋديتورييالار 35% دەيٸن تولتىرىلدى, ەرقايسىسىندا تەك 10-18 ادام وتىردى. ٶتكەن جىلى بٸر اۋديتورييادا ورتا ەسەپپەن 50 تالاپكەر بولعان ەدٸ. جالپى, ماۋسىم ايىنداعى ۇلتتىق بٸرىڭعاي تەستٸلەۋ قالىپتى رەجيمدە ٶتتٸ.
ەسكە سالا كەتەيٸك, كەلەسٸ ۇبت تامىز ايىندا ٶتەدٸ, وندا تالاپكەر شەكتٸك بالل جيناسا, جوو-نىڭ اقىلى بٶلٸمٸنە وقۋعا تٷسە الادى.
سونىمەن بٸرگە, جوو اقىلى بٶلٸمٸنە تٷسۋ ٷشٸن قاڭتار ايىنداعى ۇبت سەرتيفيكاتتارى دا جارامدى بولىپ قالا بەرەدٸ.
