Foto: Akorda.kz
Memleket basshysy Qasym-Jomart Toqaev sheneýnikterge ortalyqqa jaltaqtamai, jergilikti jerde máseleni sheshýge daǵdylaný kerek ekenin aitty, - dep habarlaidy "Ult aqparat" Aqordanyń baspasóz qyzmetine silteme jasap.
«Memlekettik basqarýdyń tiimdiligin jáne strategiialyq josparlaýdyń sapasyn kóterý qajet. Sailaý aldyndaǵy baǵdarlamalar jáne ýádeler retimen oryndalýy kerek. Sonda azamattardyń bilikke jáne shynaiy ózgeriske degen senimi artady.
Reformalardy ázirleý jáne júzege asyrý isinde memlekettik qyzmetshiler mańyzdy ról atqarady. Sol sebepti jumysqa yntasy bar jáne joǵary bilikti mamandardy memlekettik qyzmetke tartý kerek. Jeke sektorda júrgen kásibi jáne daryndy basqarýshylar úshin jol ashyq bolýǵa tiis.
Bizge memlekettik qyzmettiń barynsha úilesimdi úlgisine kóshý qajet. Ortalyqqa jaltaqtamai, jergilikti jerde máseleni sheshýge daǵdylaný kerek. Memlekettik organdardaǵy jumysty uiymdastyrý mádenietin de tolyq jańǵyrtqan jón» - dedi Prezident VIII sailanǵan Parlamenttiń birinshi sessiiasynda sóilegen sózinde.
