Detsentralizatsiia – durys sheshim. Ortalyqqa táýeldi partiia biýrokratiialyq tetikterge bailaýly bolady. Bundai kedergiler halyqtyń amanat dep berip otyrǵan dúnielerin oryndaýǵa jol bermeidi. Qaǵazbastylyq, biýrokratiialyq tejeý kúshteriniń barlyǵy partiianyń jańasha jumys isteýine kesirin tigizetin eń basty dúnie dep oilaimyn. Sondyqtan Prezidenttiń bastaýymen jáne hatshylyqtyń bastaýymen partiianyń búgingi modernizatsiialaýǵa degen bet burysy – ýaqytyly jasalǵan qadam.
Májilis qataryna kelgen jańa depýtat jáne partiianyń saiasi keńesiniń múshesi Saiasat Nurbektiń sózi maǵan qatty áser etti. Onyń usynyp otyrǵan dúnieleri óte durys dep esepteimin. Halyqtyń berip otyrǵan amanaty, jazylatyn ótinishter, shaǵymdar – osynyń barlyǵy úlken aqparat bazasy. Sol aqparat bazasyna saraptaý jasaý, ony suryptaý, ony belgileý árine belgili bir deńgeide júrgizilip jatyr. Biraq bul jumystar qazirgi zamanǵa sai emes. Sondyqtan Saiasat Nurbektiń Big Data degen terminmen engizilip otyrǵan bastamasy óte quptarlyq.
Osy saraptaý jumystary Big Data arqyly júrgiziletin bolsa, búgingi mynaý shaǵym-aryzdardyń ishindegi haos, aqparattyq haos oryn-ornyna kelip, jeke-jeke qarastyrýǵa jáne jumysty belgili bir baǵytqa qoiýǵa, ár depýtattyń múmkindigin durys paidalanýǵa óziniń oń áserin tigizedi dep oilaimyn.
Dana NURJIGITOVA,
QR Parlamenti Senatynyń depýtaty
