Foto: Ortalyq sailaý komissiiasy
Ortalyq sailaý komissiiasy sailanǵan depýtattardy resmi túrde tirkedi. Búgin olarǵa Májilistiń kýáligi men tósbelgisi tapsyryldy, dep habarlaidy "Ult aqparat" Sputnik Qazaqstan agenttigine silteme jasap.
"Sailaý týraly" konstitýtsiialyq zańǵa sáikes, Ortalyq sailaý komissiiasy sailanǵan depýtattardy jeti kúnniń ishinde tirkeýge tiis. Komissiia músheleri partiialar usynǵan tizimderdi biraýyzdan maquldap, arnaiy qaýlyny qabyldady.
Komissiia tóraǵasy Nurlan Ábdirovtyń aitýynsha, sailanǵan depýtattardyń ókilettiligi búgin zańdy túrde bastalady.
"Ortalyq sailaý komissiiasynyń tirkeýinen keiin sizderdiń Májilis depýtaty retinde ókilettikterińiz bastalady. Osy sátten bastap sizder elimizdiń joǵary ókildik organy – Májilis depýtaty bolyp sanalasyz. Halyq qalaýlysy bolýyńyzben quttyqtaimyn. Sizderdi kóppartiialy jaǵdaida Parlamentte zań shyǵarý jumysy kútip tur", - dedi Ábdirov.
Aita keteri, Parlament Májilisi 98 depýtattan turady. Sailaýdyń nátijesi boiynsha partiialyq tizimmen alty partiianyń ókilderi ótti. Olarǵa barlyǵy 69 mandat berildi. Qalǵan 29 oryn birmandatpen sailanǵan depýtattar arasynda taratyldy.
