Búgin QR Ortalyq sailaý komissiiasynyń otyrysynda Májilis depýtattarynyń kezekti sailaýyna «ADAL» partiiasynyń partiialyq tizimin tirkeý týraly qaýly qabyldandy, dep habarlaidy "Ult aqparat" .
«Qazaqstan Respýblikasyndaǵy sailaý týraly» Konstitýtsiialyq zańnyń 89-babyna sáikes, tirkeýge bir saiasi partiiadan oǵan saiasi partiialar arasynda bólinetin depýtattyq mandattardyń belgilengen sanynyń 30 paiyzynan aspaityn adamdar sany engizilgen bir ǵana tizim jiberiledi. Partiialyq tizimde áielder men 29 jasqa tolmaǵan adamdardyń sany oǵan engizilgen adamdardyń jalpy sanynyń keminde 30 paiyzyn quraýǵa tiis», - dedi QR OSK múshesi Asylbek Smaǵulov.
Onyń aitýynsha, «ADAL» partiiasynyń partiialyq tiziminde 16 adam bar, oǵan bes áiel jáne 29 jasqa tolmaǵan azamattar engizilgen. Iaǵni bul tizimge engizilgenderdiń jalpy sanynyń 31,2 paiyzyn quraidy. Ortalyq sailaý komissiiasy ýákiletti organdarmen birlesip, Májilis depýtaty bolyp sailaný úshin partiialyq tizimge engizilgen adamdardyń Konstitýtsiia men «Sailaý týraly» Konstitýtsiialyq zańnyń talaptaryna sáikestigine tekserý júrgizdi.
«Partiialyq tizimge engizilgen barlyq adamdar Konstitýtsiianyń jáne «Sailaý týraly» konstitýtsiialyq zańnyń talaptaryna sáikes keledi», - dedi ol.
Osyǵan bailanysty Ortalyq sailaý komissiiasynyń músheleri «2021 jylǵy 10 qańtarǵa taǵaiyndalǵan Qazaqstan Respýblikasy Parlamenti Májilisi depýtattarynyń kezekti sailaýyna «ADAL» partiiasynyń partiialyq tizimin tirkeý týraly» qaýly qabyldady.
