QR Sybailas jemqorlyqqa qarsy is-qimyl agenttiginde Ortalyq memlekettik organdardyń basshylyq quramy arasyndaǵy jemqorlyqty anyqtaý basqarmasy qurylady.
Bul týraly QR Sybailas jemqorlyqqa qarsy is-qimyl agenttigi Strategiia jáne jedel basqarý departamentiniń basshysy Nurlan Jaqsymbetov aitty, dep habarlaidy QazAqparat.
«Halyq únine qulaq asatyn memleket tujyrymdamasyn basshylyqqa ala otyryp, agenttik júieli túrde jemqorlyq máselelerine qatysty áleýmettik kúntártipti qadaǵalap otyrady. Ózderińizde bilesizder, búgingi kúngi qoǵamnyń eń ózekti suranystarynyń biri - bul biýdjet qarajatynyń maqsatqa sai jaratylýyna jan-jaqty baqylaý jasaý jáne memlekettik organdardyń basshylyq quramyn jemqorlyǵy úshin jazanyń bultartpastyǵyn qamtamasyz etý», - dedi ol.
Onyń atap ótýinshe, osyǵan qarai ortalyq memlekettik organdardyń joǵary laýazymdy tulǵalary jasaityn aýyr jáne asa aýyr jemqorlyq qylmystardy anyqtaý jáne jolyn kesýge baǵyttalǵan jumystar júrgizilip jatyr.
«Agenttik qurylymynda halyqaralyq tájiribeni eskere otyryp jańa jedel bólimshe - Ortalyq memlekettik organdardyń basshylyq quramy arasyndaǵy jemqorlyqty anyqtaý basqarmasy qurylady. Bul basqarma ishki rezervterimizdiń jáne orta basshylyq laýazymdy býynnyń qysqartylýy esebinen jasaqtalady, - dedi Jaqsymbetov.
